Пештерата Вјетреница на југот на Босна и Херцеговина стана дел од листата на заштитено светско наследство на УНЕСКО на состанокот на Комитетот за светско наследство на оваа организација што се одржа во главниот град на Индија.
Комитетот за светско наследство на УНЕСКО, тело составено од претставници на 21 земја, избрани меѓу 195-те земји потписнички на конвенцијата, го одобри впишувањето на пештерата на листата на светско наследство.
Вјетреница, која се проценува на околу пет милиони години, првпат беше отворена за јавноста во 1964 година. Беше достапна до 1991 година, по што беше затворена повеќе од 18 години.
Вјетреница е уникатна карстна пештера со канали долги повеќе од седум километри во општина Равно. Оддалечено е 12 километри од Слано на брегот на Јадранското Море и 80 километри од градот Мостар. Името го добила по појавата на силен ветер на влезот во пештерата, но и во внатрешноста на пештерата, што е особено изразено во летните и зимските месеци.
Таа е прва во светот по биодиверзитет, со речиси 200 регистрирани различни животински видови. Богата е со спелеолошки и археолошки локалитети. Нејзините уникатни подземни екосистеми, геолошки формации и богатството на ендемични видови го прават важно природно живеалиште кое е истражено од бројни научници и истражувачи.
Внатре во сложениот комплекс на пештерата Вјетреница има дури четири водни потоци, и десетици помали повремени потоци со подземни езера.
Овој природен феномен првпат бил спомнат во средината на 1 век во делото „Историја на природата“ (Historia naturalis) објавено во 77 година од Плиниј Постариот, кој го напишал делото Географија на античкиот свет.
На листата на УНЕСКО од претходно се Стариот мост во Мостар, мостот Мехмед Паша Соколовиќ во Вишеград.
