Муслиманите ги исполнија џамиите по повод Рамазан Бајрам во Северна Македонија, Албанија и Косово, учествувајќи во молитвите и честитките за празникот.
Муслиманите се собраа на плоштадите или во џамиите во главните градови на земјите од регионот, но и во џамиите во другите градови, за да бидат дел од молитвата на еден од најголемите празници на луѓето со исламска вероисповед.
Во Скопје, како и во многу градови во Северна Македонија, илјадници верници се собраа во џамиите да ја извршат молитвата по крајот на светиот месец Рамазан.
Во организација на Исламската верска заедница на Северна Македонија, Мустафа-пашината џамија во Скопје беше местото каде што се одржа централната манифестација за молитвата за Рамазан Бајрам. За време на церемонијата, се учеа делови од Куранот и молитви на повеќе јазици, а голем број верници и верски лица присуствуваа на традиционалниот говор (Хутба) предводена од Шакиф Фетахи, поглаварот на ИВЗ.
Муслиманите во Албанија се собраа во џамиите и на плоштадите во земјата, додека централната програма за молитвата се одржа на плоштадот „Скендербеј“ во Тирана, со учество на илјадници верници.
Во Косово, централната манифестација се одржа во Големата џамија во Приштина „Султан Мехмет Фатих“, каде поглаварот Наим Трнава, освен честитките, упати пораки за мир и хармонија, како и за вредностите на семејството.
Овој празник следи по месецот Рамазан, кој започна на 11 март, а заврши на 9 април. Традиција на празникот Рамазан Бајрам е да се посети поширокото семејство, роднините и пријателите.
