Големиот пожар што ја зафати областа Неум во Босна и Херцеговина е сè уште активен, а побарана е и воздушна помош, изјави портпаролот на Цивилната заштита на ХНК Перо Павловиќ.
„Во текот на ноќта состојбата беше доста сериозна на опожарените места кои вчера избувнаа на поширокото подрачје на општина Неум. Пожарот сериозно ги загрози станбените и деловните објекти. Пожарникарите со помош на нивните колеги кои дошле на помош од Стон, Чапљина, Мостар и Читлука, успеа да ги одбранат станбените и деловни објекти“, рече Павловиќ.
Пожарот попладнето ја зафатил боровата шума. Поради пожарот и чадот кој брзо се прошири, блокиран е и еден од патиштата кои водат кон Неум.
Павловиќ рече дека добра околност е што синоќа е пуштен за сообраќај патот Столац - Неум.
„Побарана е помош од воздух. Веруваме дека во текот на денот ситуацијата донекаде ќе се нормализира. Немаме информации дека има оштетувања на станбени и деловни објекти“, рече Павловиќ.
