Претседателката на Грција Катерина Сакеларопулу во Белград, по состанокот со претседателот на Србија Александар Вучиќ, изјави дека европската перспектива на Западен Балкан претставува стратешки приоритет на Грција.
„Сметаме дека Западен Балкан е дел од Европа. Проширувањето ќе обезбеди мир и безбедност на ова подрачје и ќе спречи влијание од трети страни кои имаат желба да интервенираат на ова подрачје од свои причини“, рече Сакеларопулу на прес-конференцијата и додаде дека тоа би била повеќекратна корист и за Западен Балкан и за иднината на ЕУ.
Таа истакна дека Грција секогаш смета дека Србија му припаѓа на европското семејство и исказа цврст став од потребата за приклучувањето на Србија во ЕУ.
Вучиќ оцени дека двете земји „имаат повеќе од пријателски, сестрински односи“, додека Сакеларопулу оцени дека билатералните односи се стабилни и ненарушени, веќе речиси 150 години и дека целта е да се забрза примената на Стратегијата за стратешко партнерство во областа на енергетиката, туризмот, културата и одбраната.
Сакеларопулу рече дека со Вучиќ разговарале за случувањата во врска со дијалогот на Белград и Приштина и истакна дека го поддржува тој дијалог чија цел е нормализација на односите и налагање на одржливо решение кое ќе овозможи стабилност на подрачјето на Балканот и и замаец за европскиот пат на Србија.
„Ги поддржуваме неодамнешните разговори поврзани со спроведувањето на планот за имплементација и подобрувањето на вашата позиција во Европа. Нашата позиција во однос на Косово останува непроменета и стабилна“, му рече таа на Сакеларопулу и додаде дека Грција е подготвена да им помогне и на Белград и на Приштина.
На прашањето дали имало притисоци Грција да ја признае независноста на Косово, рече дека секогаш има притисоци, но дека тоа не влијае на Грција.
Претседателката на Грција истакна дека прашањето на примена на анексот на договорот за нормализација на односите сега е дел од европскиот пат на Србија и дека примената од страна на Приштина ќе придонесе кон целокупниот напор да се одржат безбедноста и стабилноста на подрачјето на Западен Балкан. Таа на прес-конференцијата истакна дека „рускиот упад во Украина е неоправдан“ и дека сите мораат да се борат за мирот и дека тенденциите за проширување на териториите се за осуда и не им е место во Европа во 21 век.
Грчката претседателка говореше и за грчко-турските односи и рече дека дошло до падот на тензиите бидејќи „Грција сака да ги одржи добрососедските односи со потполно почитување на меѓународното право.“
Вучиќ на прес-конференцијата рече дека за Србија е многу важно почитувањето на меѓународното јавно право и дека „Грција го поддржува територијалниот интегритет на Србија, така Србија го поддржува интегритетот на хеленската република и на копно и на море и на островите и во воздух и тоа нема да се менува“.
Тој додаде дека на средбата со грчката претседателка јасно зборувал за важноста да се бара компромисно решение со Приштина, но го повторил и она што Србија нема да го направи, односно кои се црвените линии.
„Мораме да ги зачуваме мирот и стабилноста во регионот и тоа е наш витален интерес. Во наш витален интерес е да го забрзаме нашиот европски пат. И се заблагодарив на Србија за поддршката на европскиот пат, за обидот да и помогне на нашата земја дури и иако не беше лесно“, рече Вучиќ.
Нагласи дека многу работи кои Србија треба да ги направи на патот кон ЕУ се поврзани со дијалогот со Приштина, а дека Србија со радост работи на реформите.
Вучиќ истакна дека размената на стоката и услугите помеѓу Србија и Грција е околу 1,46 милијарди ервра.
