Се урна дел од железничката станица во Нови Сад, има и жртви

Во Нови Сад, Србија, се урна дел од железничката станица, а на терен се голем број пожарникари, полицајци и екипи на итната помош.

Српските медиуми објавија дека се стравува дека при уривањето има неколку повредени, а има и жртви.

Од итната помош велат дека не можат да зборуваат за бројот на повредени и за степенот на повредите, бидејќи интервенциите се во тек.

Околу 12 часот се урнал дел од настрешницата над влезната врата на зградата на станицата.