Северна Македонија нарачала три батерии со вкупно 18 хаубици „Боран“ од Туркије, известија локалните медиуми.
Локалните извештаи велат дека потегот на Армијата на Северна Македонија доаѓа како дел од осовременување на својата единствена артилериска дивизија.
„Армијата на Северна Македонија е во голем моментум на модернизација. Преку американска и германска воена помош, таа повторно се вооружува со нови борбени системи и да ја замени технологија која во голема мера е наследство од Студената војна и стекната од Украина во 2001 година. Па така во артилеријата тоа ќе бидат хаубиците „Боран“, за пешадијата ќе се користат американски борбени возила „Страјкер“ и „ЈЛТВ“, а францускиот ракетен систем за противвоздушна одбрана „Мистрал 3“ ќе го чува македонското небо“, се наведува во извештаите.
Првата батерија од шест хаубици „Боран“ ќе пристигне за две години, додека преостанатите две батерии ќе бидат испорачани во периодот од 2029 до 2031 година.
Македонската армија има еден лесен пешадиски баталјон со засилување, вклучително и батерија „застарени“ хаубици од типот „М2А1“, за евентуалните задачи во рамките на НАТО и меѓународните мисии.
Дострелот на турските хаубици „Боран“ е 17 километри, а брзината на истрелување е до шест проектили во минута.
Северна Македонија, најмладата членка на НАТО, стана дел од алијансата во март 2020 година.
