Силното невреме ги зафати Далмација и Истра. Силен дожд падна низ целиот брег. Поплавени се улици во Макарска, како и во Биоград, Задар и Дубровник.
Силниот дожд кој од синоќа паѓа во делови на Хрватска речиси го потопи и Дубровник, автомобили пливаат по улиците на паркингот пред трговскиот центар, а од окните се излева вода.
За кратко време наврнаа големи количества дожд, а попладне се очекува дополнително влошување на времето и екстремна количина на врнежи.
„Количеството на врнежи ќе биде повеќе од 60 мм на метар квадратен. Подгответе се да се заштитите себе си и својот имот. Можно е поплавување на имотот и сообраќајната мрежа. Можно е и прекин на снабдувањето со електрична енергија, прекин на комуникациската мрежа како и водоснабдувањето Условите за возење се опасни поради намалена видливост и лизгање по влажни коловози“, предупредуваат од Хрватскиот национален хидрометеоролошки завод.
Во Истра на места падна и количина дожд што треба да се очекува во текот на цел септември. Најмногу дожд наврна на потегот од Новиград до Умаг и Бује, на места и над 100 милилитѕри на метар квадратен, како на пример во Дајла каде во последните 24 часа се измерени 103. Во Буја паднале 84, Новиград 74, а во Умаг 65.
Најмалку дожд наврна на југот на Истра, меѓу 20 и 30 милилитри, но и овде се работеше за пообилни количества кои наврнаа за пократко време, пренесува Истрамет.
На места врнежите ќе бидат обилни, а локално е многу веројатно невреме, главно во Далмација, пишува ДХМЗ. Ќе дува слаб до умерен југозападен и југоисточен ветер, понекаде со силни налети, ќе дува кон северен и северозападен правец. На Јадранот умерен до засилен, локален и јужен ветер постепено ќе слабее и ќе се сврти кон северозападен, но во северниот дел во вечерните часови засилување на врнежите. Највисоката температура на воздухот е претежно од 22 до 27 °C.
Цела Хрватска е под метео предупредување. Издадени се жолти и портокалови предупредувања за невреме со грмотевици, силен ветер и обилни врнежи од дожд.
„Бидете подготвени за силни грмотевици кои можат да предизвикаат големи штети и заштитете се од громови. Можни се штети на имот и дрвја. Можни се локални поројни поплави, бурни ветрови и град. Можни се прекини во активностите на отворено и сообраќајот“, велат од ДХМЗ.
