Три главни градови од земјите од регионот денес се меѓу градовите со најзагаден воздух во светот.
Престолнините на Босна и Херцеговина, Северна Македонија и Србија се најдоа на самитот врв на листата на специјализираниот интернет сајт за следење на загадување на воздухот, IQair.
Босанскиот главен град Сараево е на второто место со индекс на загадување 195, Скопје на десеттото со 161, а веднаш зад него е Белград на единаесеттата позиција со индекс 158.
На неславната листа на најзагадените градови на глобално ниво на првото место е пакистанскиот град Лахоре со индекс на загадување 228 . Во топ 10 најзагадени градови се и Делхи и Колката (Индија), Акра (Гана), Бишкек (Киргистан), Кувајт (Кувајт), Карачи (Пакистан) Вухан (Кина).
Квалитетот на воздухот останува предизвик за многу главни градови во светот, вклучително и некои градови на Балканот.
Промената на времето и падот на температурите одамна влијаеја некои градови во регионот да имаат загаден воздух кој е категоризиран како нездрав.
За да ја намалат загаденоста во Лахоре пред неколку дена користеа вештачки дожд.
Авиони кои носат опрема за сеење облаци - машини кои помагаат да се создадат облаци и да се зголемат врнежите - прелетаа над Лахоре во саботата.
Тој вештачки дожд му го обезбедија на Пакистан Обединетите Арапски Емирати кои сѐ повеќе се свртуваат кон сеење облаци за да генерираат дожд во сушните делови на земјата.
Во овој процес сребрениот јодид, кој има структура слична на мразот, се распрснува во облаците за да поттикне формирање на кондензација и дожд.
