Се зголемува капацитетот за странци во областа Обрежје и Средишче на Драва, места во Словенија во пограничната област со Хрватска.
Истовремено, општинските советници на Обрешје се против формирање на азил на тоа место.
Владината канцеларија за згрижување и интеграција на мигранти веќе спроведува активности за зголемување на капацитетот за странци на подрачјето на поранешните гранични премини Обрежје и Средишче на Драва. Годинава се зголемува и бројот на илегални преминувања на словенечко-хрватската граница.
Според Катарина Штрукељ, директорка на Канцеларијата за грижа и интеграција на мигранти, тие веќе спроведуваат различни активности за подготовка на инфраструктурата на избрани локации, поврзување со електричната мрежа и решавање прашања поврзани со канализацијата.
Тие треба да се грижат и за разни конкурси и тендери, бидејќи според законот, лицата сместени во азил имаат право на храна, средства за хигиена и други работи.
„Ќе биде неопходно да се вработат и нови кадри, а секоја таква постапка може да трае најмалку три месеци“, нагласи Штрукељ.
Иако општинските советници на Обрешје се против формирање на азил на тоа место, Штрукељ посочува „дека Владата ја донела одлуката за да ја спроведе“.
„Меѓутоа, барателите на меѓународна заштита ќе бидат сместени во новите ограноци на центарот за азил само кога ќе се пополнат постоечките капацитети во Логац и Љубљана“, додаде таа.
Ќе се обезбеди и сместување за најранливите категории и тоа деца, малолетници без придружба и семејства.
Според Штрукељ, одлуката за зголемување на капацитетот за странци кои бараат меѓународна помош е донесена врз основа на минатогодишното искуство кое покажало дека бројот на баратели на меѓународна заштита се зголемил особено во летните месеци, во јули, август и септември.
Во азилот на Вич во одредено време беа сместени повеќе од илјада луѓе, а Канцеларијата ја надгледуваа Народниот правобранител за човекови права, невладините организации и Комитетот за тортура што работи во рамките на Обединетите нации.
„Дадени се многу јасни препораки дека „оваа област треба да се уреди и дека Владата мора да се грижи за нови капацитети“, нагласи Штрукељ.
Полициската статистика покажува дека од 1 јануари до 10 март годинава словенечката полиција открила 7.254 илегални премини на словенечко-хрватската граница, што е за 28,8 отсто повеќе во однос на истиот период лани.
Од канцеларијата посочуваат дека веќе неколку години интензивно бараат сместување за баратели на азил. Разговарано е и со градоначалниците на неколку градови, но наидоа на противење кај повеќето од нив.
Одлуката за сместување баратели на меѓународна заштита во Обрежје и Средишче на Драва е донесена по стручно разгледување и земајќи ја предвид насоката на миграциските текови и близината на населените места.
Словенечката полиција годинава привел 153 шверцери на луѓе, од кои двајца се словенечки државјани. Најголем дел од фатените шверцери се државјани на Украина, а потоа следуваат романски, српски, сириски и други државјани.
