Тројца мигранти загинаа во престрелка во Србија

Тројца мигранти загинаа во престрелка што се случи рано утринава во Србија. Еден мигрант е ранет и се наоѓа на лекување.

Престрелката се случила во напуштените објекти на земјоделското претпријатие Бачка кај Хоргош.

Тоа населено место се наоѓа на границата на Србија и Унгарија.

Престрелката се случила надвор од населбата, но граѓаните се вознемирени и цело утро на социјалните мрежи пријавуваат продолжено пукање од граничниот појас.

Силни полициски сили се на терен во потрага по сторителите, а информирано е и Вишото јавно обвинителство во Суботица.

Ова не е прв ваков инцидент во кој мигрантите користат огнено оружје, а во кои исто така имаше жртви.