Поранешниот хрватски министер за земјоделство, Јосип Дабро, кому Собранието денескa му го укина имунитетот, беше уапсен врз основа на налог на Општинското државно обвинителство во Осиек.
„Полицајците денеска уапсија 42-годишен маж кој ќе биде предаден на надзорникот на полициската управа Вуковар-Срем. Потоа, во соработка со државното правобранителство, тој ќе биде спроведен во Општинското државно правобранителство во Осиек за понатамошна постапка“, соопшти полицијата без прецизирање на неговиот идентитет.
Хрватскиот Сабор денеска му го укина имунитетот на поранешниот министер и пратеник на Движењето Татковина, Јосип Дабра, на барање на Државното правобранителство на Република Хрватска (ДОРХ).
Дабро поднесе оставка како министер во владата на Андреј Пленковиќ на 18 јануари 2025 година, откако во јавноста беше објавена снимка на која тој пука sо пиштол додека вози.
Тој изјави дека на видеото кое е снимено „пред неколку години“ користел легално оружје и маневарска муниција и дека „не загрозил ничија безбедност или имот“, се извини за своите постапки и изрази жалење.
Подоцна балистичките експерти изјавија дека станува збор за вистински куршуми.
Општинското државно правобранителство во Осиек наведува дека постои основано сомневање дека Дабро во областа Оток, во периодот од 2020 до 2024 година, му дозволил на детето да пука со пиштол и автоматска пушка, да фрла експлозивна направа слична на рачна граната, да го расклопи и исчисти автоматско оружје со што ја загрозил безбедноста на детето изложувајќи го на опасност.
Во барањето е наведено и дека неовластено поседувал автоматска пушка од воено потекло од која испукал неколку истрели на необележано земјоделско земјиште и поседувал експлозивна направа налик на рачна бомба.
