Уставниот суд на Босна и Херцеговина го прогласи Изборниот закон на Република Српска за неуставен со образложение дека спорниот закон ги презема надлежностите на државните институции.
Уставниот суд на Босна и Херцеговина на 148. пленарна седница ги разгледа барањата на Денис Звиздиќ, првиот заменик-претседател на Претставничкиот дом на Парламентарното собрание на Босна и Херцеговина и четворица делегати на Домот на народите на ПС на Босна и Херцеговина за оцена на уставноста на Изборниот закон на РС.
„Во одлуката е утврдено дека спорниот закон не е во согласност со Уставот на Босна и Херцеговина и Изборниот закон на Босна и Херцеговина бидејќи оспорениот закон ги презема надлежностите на институциите на Босна и Херцеговина“.
„Уставниот суд заклучи дека нема одредби во Уставот на Босна и Херцеговина врз основа на кои може да се утврди уставноста на спорниот закон донесен од Националното собрание на РС“.
Дополнително, Уставниот суд потсети дека Изборниот закон на Босна и Херцеговина е „одлука на институциите на Босна и Херцеговина“, и дека ентитетите се должни да ги почитуваат овие одлуки. Оспорениот закон е целосно укинат, а привремената мерка што беше донесена на 24 јули 2024 година престана да важи“, се наведува во одлуката на Уставниот суд.
