Претседателот на Србија Александар Вучиќ денеска во Пекинг, каде што ќе присуствува на Форумот „ Појас и пат“, изјави дека ќе ја поддржи секоја одлука на Србите од Косово.
Тој истакна дека е важно Белград и Приштина да разговараат и да водат дијалог, иако е јасно дека косовскиот премиер Албин Курти не сака дијалог.
„Важно е да се разговара, да се води дијалог, иако знаеме дека од тоа нема ништо, бидејќи Курти никогаш не сакал дијалог. Ние сакаме дијалог, сакаме формирање на Заедницата на српските општини, имплементација на она што го договоривме, особено на Бриселскиот договор кој беше потпишан пред речиси 11 години. Се плашам дека немаме соговорници за тоа, но и најлошиот разговор е подобар отколку воопшто да нема разговор“, рече Вучиќ.
Тој истакна дека треба да бидете цврсти и силни кога е тешко за вашиот народ, а не кога е лесно.
„Кога има радост, тогаш доаѓаат 500 луѓе и разговараат со тебе. А кога е тешко, тогаш си сам. Јас не сум сопственик на животите на Србите од Косово, туку дека околностите се сменија и дека сега ги молам за тоа. И погледнете го лицемерието од другата страна. Порано не им се допаѓаше одлуката да не се оди на избори, а сега не им чини да се оди на избори. Ништо не им е добро што вели Вучиќ. Јас сум криминалец и убиец, најлошиот на светот. Јас сум криминалец без странски сметки, а тој е чесен со 619 милиони евра“, вели Вучиќ.
Вучиќ, на новинарско прашање да ги коментира наводите на одредени медиуми дека ги „малтретира“ Србите на Косово, рече дека првично бил за учество на изборите на северот, но дека Србите не биле за тоа
