ОпенАИ воведува нови способности  за глас и слика во ЧатГПТ

Истражувачката компанија за вештачка интелигенција со седиште во САД, ОпенАИ, во понеделникот објави дека ќе воведе нови способности за глас и слика во ЧатГПТ. „ЧатГПТ сега може да гледа, слуша и зборува“, објави компанијата во блог пост, додавајќи дека новите можности нудат нов и поинтуитивен тип на интерфејс, дозволувајќи им на корисниците да имаат гласовен разговор со ЧатГПТ или да му покажат за што зборуваат. Корисниците можат да направат слика од знаменитост додека патуваат, а потоа да разговараат во живо за тоа што е интересно во него, велат од компанијата. Покрај тоа, тие можат да користат глас за да се вклучат во разговор „напред-назад“ со нивните асистенти. Новите можности ќе бидат достапни за корисниците на ЧатГПТ Плус и Ентерпрајс во текот на следните две недели.