Американската тенисерка Медисон Кис ја изненади втората носителка Ига Швјатек од Полска со 5:7, 6:1, 7:6(8) и стигна до своето прво финале на Австралија опен во Мелбурн.
Кис, рангирана на 14. место во светот, во финалето во сабота ќе се соочи со двократниот бранител на титулата и светски рекет број еден Белорусинката Арина Сабаленка.
Американката беше само во финалето на УС Опен во 2017 година, кога загуби од Стивенс, а повторно доби шанса со кам-бек против Швјатек по два часа и 37 минути игра.
Швјaтек го доби првиот сет, а потоа во третиот сет на 6:5 загуби меч поен на свој сервис, а потоа и водство за 7:5 во супер тај-брејкот.
Кис имаше 14 винери повеќе од петкратната грен слем победничка и само една неизнудена грешка повеќе.
29-годишната Кис на пет меча до сега само еднаш ја победи Полјакињата, а интересно е што истиот скор (1-4) го има и против три години помладата Сабаленка.
Двократната бранителка на титулата на Австралија Опен, светската тенисерка број еден, Сабаленка, претходно денеска ја победи Шпанката Паула Бадоса со 6:4, 6:2, за што ѝ беа
потребни 87 минути за да стигне до третото последователно финале во Мелбурн.
Белорусинката ќе се обиде да стане првата тенисерка која освоила три титули во низа на Австралија опен по Мартина Хингис (1997-99) во финалето во сабота.
Иако Сабаленка го загуби сервисот на почетокот на првиот сет и беше во негатива од 0:2, таа освои четири гема во низа и ја презеде контролата врз играта.
Бадоса се обиде да покаже борбеност со која ја елиминираше треторангираната светска тенисерка Коко Гауф во четвртфиналето. Но притисокот на Сабаленка ја исцрпи и таа направи двојна сервис грешка и го загуби сервис во третиот гем од вториот сет.
