Фудбалскиот клуб Барселона објави нови слики од својот иконски стадион Камп Ноу, велејќи дека е на пат да биде најголемиот спортски објект во Европа.
„Espai Barça ќе биде најголемиот и најиновативниот спортски комплекс во срцето на европскиот град. Уникатен проект од 1,5 милијарди евра инвестиции“, се вели во соопштението на Барселона.
Стадионот „Нова Барса“, спонзориран од компанијата за стриминг на музика „Спотифај“, ќе има капацитет од 104.000 места, а изградбата ќе биде официјално завршена во сезоната 2026-2027.
Сепак, клубот планира да се врати во комплексот до средината на сезоната во декември 2024 година со капацитет од околу 60%.
Барселона додаде дека развила нова структура за финансирање на стадионот што се придржува до три клучни услови одобрени на референдумот во декември 2021 година во клубот.
„Еспаи Барса се финансира преку приходот генериран од самиот проект, што значи никогаш да не се ставаат под хипотека имотот на клубот, и никогаш да не се загрозува спортскиот менаџмент“.
Барселона го користи Камп Ноу како домашен стадион од неговата изградба во 1957 година, но тука нема играно од мај 2023 година. Естади Олимпик Луис Компани е привремен дом на шпанскиот гигант оваа сезона.
