Србија, Франција и Соединетите Американски Држави (САД) се пласираа во полуфиналето во кошарка за мажи на Олимписките игри во Париз 2024.
Српската машка кошаркарска репрезентација победи по возбудливите продолженија со резултат 95:90 против Австралија во „Берси Арена“.
Србија кон победата ја водеа Никола Јокиќ со 21 поен, 14 скока и девет асистенции и Богдан Богдановиќ со 17 поени.
И покрај 26 поени на Пети Милс и 25 поени на Џош Гиди, Австралија се збогуваше со Олимпијадата.
САД го победија Бразил со 122:87 во „Берси Арена“
Во уште една четвртфинална пресметка домаќинот Франција ја победи Канада со 82:73 во оваа арена и се пласира во полуфиналето.
Француската репрезентација имаше четири двоцифрени стрелци, а темпото го диктираа Гершон Јабуселе со 22 поена, Исаја Кординие постигна 20 поени, а Еван Фурние 15 поени.
Матијас Лесорт додаде уште 13 поени за Франција.
Канаѓанецот Шаи Гилџеус-Александер беше најдобар стрелец на натпреварот со 27 поени, а Ер Џеј Барет имаше 16 поени.
Тимот на САД доминираше над Бразил и го победи со резултат 122:87 и во „Берси Арена“ се пласира во полуфиналето.
Американецот Девин Букер постигна 18 поени, Ентони Едвардс 17, Џоел Ембиид 14, а Леброн Џејмс постигна 12 поени и девет асистенции.
Бразилецот Бруно Кабокло имаше рекордни 30 поени со шест скока, а Џорџињо де Паула 15 поени.
Домаќинот Франција во полуфиналето ќе се соочи со светскиот шампион Германија, а Србија ќе ги одмери силите со САД во полуфиналето во „Берси Арена“ во четврток.
