Македонскиот шахист Тони Лазов освои сребрен медал на втора табла за настапот на македонската шаховска селекција на Олимпијадата која се одржува во Будимпешта.
Лазов оствари солиден резултат со 7.5 поени од вкупно 8, и имаше импресивно реми против холандскиот велемајстор Јордан ван Форест кој моментално е 35-то рангиран шахист во светот.
Македонската селекција на оваа Олимпијада заврши на 61-та позиција. Златото го освои суперталентираниот тим на Индија, за која настапува и актуелниот предизвикувач за титутлата светски шампион Гукеш Домараџу.
На првата табла Гукеш исто така освои злато за индивидуалниот учинок, среброто го заработи Абсудаторов, а поранешниот светски шампион Карлсен стигна до бронзен медал.
Во конкуренцијата на Лазов, златото на втора табла го освои Енгајен, а бронзата отиде во рацете на турскиот шахист Едиз Ѓурел.
