Англискиот фудбалски великан Манчестер Јунајтед има најскапа екипа на светот, вредна 1,15 милијарди евра, објави Меѓународниот центар за спортски студии (CIES).
Според последното истражување на CIES Football Observatory, Манчестер во текот на составувањето на сегашната екипа на напаѓачи потрошил 411 милиони евра, 383 милиони на одбранбените играчи, 296 милиони на играчките од везниот ред и 61 милион евра на голмани. Осум од топ 10 екипи од Англија
Во Топ 10 најскапи екипи, дури осум доаѓаат од елитната класа на англискиот фудбал. На второ место е Челзи, кој потроши 1,13 милијарди евра за изградба на сегашниот тим, додека на третото место е Манчестер Сити, кој потроши вкупно 1,04 милијарди евра за изградба на сегашниот тим.
Четврти е ПСЖ, кој потроши милијарда евра на изборот на играчите, а петти е Арсенал, чиј тим е „тежок“ со 836 милиони евра.
Саудискиот Ал-Хилал е првиот клуб надвор од Европа на листата на 100 најскапи екипи. Се наоѓа на 18. место, а за градење на тимот се потрошени 382 милиони евра.
