Љубителите на фудбалот имаат единствена можност да ги видат единствените фудбалски моменти, како и дресовите и копачките на легендарните играчи и да погледнат сувенири од Светското првенство во Музејот на ФИФА, отворен во 2016 година во Цирих.
Во Музејот можете да ги видите потпишаните дресови на легендарните фудбалери како поранешната аргентинска ѕвезда Диего Армандо Марадона и поранешниот бразилски напаѓач Пеле.
Тие може да погледаат и видеоснимка од познатиот дриблинг на поранешната холандска ѕвезда Јохан Кројф.
Трофеите на Светскиот куп на ФИФА за мажи и жени привлекуваат посебно внимание на посетителите.
Во Музејот на ФИФА се сместени и разни сувенири кои датираат од првото Светско првенство за мажи во Уругвај во 1930 година до последното во Катар во 2022 година.
Дресови од сите репрезентации
Во Музејот се изложени и оригинални фудбалски дресови на сите 211 земји.
Посетителите веднаш на влезот можат да видат шкафчиња именувани по легенди како што се поранешниот бразилски напаѓач Роналдо и аргентинската ѕвезда Меси.
Гостите можат да ги гледаат и незаборавните достигнувања на нивните репрезентации со избирање на матичната земја од мапата на дигиталните екрани.
Досега музејот го посетиле луѓе од повеќе од 140 земји, а освен посетата на музејот, посетителите можат да ги тестираат и сопствените фудбалски вештини и да уживаат играјќи фудбалски флипери.
Музејот беше отворен на 28 февруари 2016 година од страна на претседателот на ФИФА, Џани Инфантино.
Се простира на најмалку 3.000 квадратни метри и содржи најмалку илјада уникатни фудбалски предмети и сувенири.
