Хрватската машка ракометна репрезентација во полуфиналето на Светското првенство во четврток во Загреб ќе игра против Франција.
Откако Хрватска во првото четвртфинале ја совлада Унгарија со 31:30 со голот на Марин Шипиќ во последната секунда, во второто Франција го совлада Египет со 34:33 (18:14) исто така со гол во последната секунда.
Недим Ремили и Дика Мем ја предводеа Франција со по шест гола, додека Ахмед Хешам беше најдобар стрелец за Египет со осум гола.
Французите водеа речиси цел натпревар, одвојувајќи се на четири гола предност на крајот на првиот дел, а предноста ја зголемија на пет гола на почетокот на вториот дел.
Сепак, по промената на голманите, Хендави одлично го замени Али, Египќаните успеаја да се вратат во игра и израмнија на 30:30 на пет минути до крајот. Со двата гола на Мема, Франција поведе со 32:30, но Хешам одговори со два свои гола, со што резултатот беше 32:32 во последната минута.
Ремили ѝ донесе ново водство на Франција на 32 секунди до крајот, само за Јахиа Омар да најде начин да израмни на четири секунди до крајот.
Се чинеше дека победникот ќе биде решен со продолженија, но Лука Карабатиќ успеа навреме да ја исфрли топката кон празниот гол од центарот на теренот, а по прегледувањето на видеото, македонските судии Начевски и Николов утврдија дека топката ја минала гол линијата на 0,3 секунди пред крајот.
Хрватската ракометна репрезентација направи чудесен пресврт откако во преполната Загребска Арена ја совлада Унгарија со 31:30 (16:16).
Полуфиналето на Хрватска ѝ го донесе Шипиќ во последната секунда откако во последните пет минути стигнаа негатива од четири гола.
Најефикасен кај Хрватска беше Филип Главаш со шест гола, Шипиќ и Звонимир Срна додадоа по пет, а Унгарија ја предводеше Зоран Илиќ со осум гола.а стигнаа негативата од четири гола.
Преостанатите два четвртфинални натпревари се играат во среда во Осло, а играат Данска - Бразил и Германија - Португалија.
