Фудбалските сојузи на Туркије и Италија најавија дека ќе предадат кандидатура за заеднички домаќини на Европското првенство кое ќе се одржи во 2032 година, пренесува Анадолу.
Ова како што потврдува Турскиот фудбалски сојуз било одлучено по состаноците со нивните италијански колеги. Според ТФФ заедничката организација на првенствата се покажала како многу успешна на ЕП 2008, 2012 и 2020 година.
„Студиите за Светското првенство во фудбал во 2026 година, кое ќе се одржи во Соединетите Американски Држави, Мексико и Канада, покажаа дека повеќе фанови влегуваат во интеракција и дека е поефикасно турнири од оваа големина се организираат заедно. Доколку УЕФА ги прифати понудите на Туркије и Италија, градовите домаќини и стадионите ќе се одредат меѓу оние претходно известени од двете асоцијации до УЕФА и турнирот ќе се одржи подеднакво во двете земји. Конечната одлука за изборот на градови домаќини и стадиони ќе биде донесена по идните разгледувања“, соопшти ТФФ.
Претседателот на ТФФ, Мехмет Бујукекши, рече дека одлуката за заедничка кандидатура за ЕУРО 2032 е важна и за турскиот и за европскиот фудбал.
„Нашето партнерство со Фудбалскиот сојуз на Италија ги одразува вредностите на пријателството и соработката во европскиот фудбал. Верувам дека ќе ја зајакне постојната соработка меѓу двете медитерански земји што се дел од слична култура и длабоко вкоренета историја и ќе изгради важен мост за иднината на нашиот фудбал“, изјави Бујукекши.
