Луис Рубиалес, поранешниот претседател на Шпанската фудбалска асоцијација, денеска е уапсен како дел од истрагата за корупција.
Рубиалес беше уапсен по неговото пристигнување во Мадрид од Доминиканската Република.
Тој е осомничен за незаконски провизии кога договарал профитабилен договор за организирање на шпанскиот Суперкуп во Саудиска Арабија, пишуваат шпанските и британските медиуми.
Обвинителството бара затворска казна од две и пол години за Рубиалес, кој негира дека сторил какво било кривично дело.
Медиумите објавија дека по излегувањето од авионот, Рубиалес бил качен во црно комбе во кое биле неколку припадници на Цивилната гарда.
Полицијата сега има 72 часа да го испраша Рубиалес, кој беше во Доминиканската Република кога полицијата упадна во неговиот дом минатиот месец.
Тие го пребараа и седиштето на Шпанската фудбалска асоцијација и уапсија неколку лица.
На Рубиалес ќе му се суди посебно за сексуален напад поради бакнување во уста на шпанската репрезентативка Џена Хермосо по минатогодишното финале на Светското првенство.
Хермосо и нејзините соиграчи од националниот тим рекоа дека бакнежот бил несакан и понижувачки.
Рубиалес беше принуден да поднесе оставка поради овој скандал, но тој негираше каква било вина.
