Претседателот на Република Туркије, Реџеп Таип Ердоган, изјави дека политиките за родова неутрализација, кои ги користат ЛГБТ како „овен за разбивање“, се штетни првенствено за семејството и „светоста на институцијата семејство“.
На церемонијата за воведување на „Година на семејството“ во Анкара, Ердоган укажа на важноста на заштитата на децата и младите од „штетни девијантни идеологии“ кои „ги загрозуваат семејствата и структурите на заедницата“, што, како што рече, е заедничка одговорност на народите.
„Содржината, која се служи на свесен, намерен и упорен начин, води кон отворање простор за ЛГБТ и други сурови трендови, особено во политиката на родова неутралност“, рече Ердоган.
Тој исто така нагласи дека Туркије е една од ретките земји што храбро се спротивставува на оваа клима на сите платформи, вклучително и на Генералното собрание на Обединетите нации.
„Во наредниот период дополнително ќе ја зацврстиме нашата позиција. Без разлика што некој ќе каже, ставот на Туркије по ова прашање е јасен и ние никогаш нема да отстапиме од него“, рече Ердоган.
