Претседателот на Република Туркије, Реџеп Таип Ердоган, изјави дека сакаат да ја прослават стогодишнината од основањето на модерна Турција со реформи кои земјата ги заслужува.
Ердоган зборуваше во Анкара, главниот град на Турција, на свеченото отворање на новата зграда на Државниот совет на Република Туркије (Данистај).
По тој повод, Ердоган се осврна на борбата против тероризмот и реформите неопходни за Туркије, која ја одбележува 100-годишнината од основањето на модерната република.
Зборувајќи за потребата да се спаси Туркије од уставот што произлезе од пуч, Ердоган забележа дека „дојде време да се отстранат оковите поставени на нозете на Туркије со државниот удар на 27 мај 1960 година“.
„На врвот на нашиот идеал за проширување на слободата на нашите граѓани е спасувањето на земјата од уставот произлезен од државен удар“, рече Ердоган.
Потсетувајќи дека оваа година Туркије слави стогодишнина од основањето на модерна Република Туркије, Ердоган додаде: „Сакаме да ја прославиме стогодишнината на Републиката не само со соодветна програма, туку онака како што заслужува, со нови реформски потези.
Зборувајќи понатаму за борбата против тероризмот, Ердоган рече дека Туркије од своите пријатели сака да види конкретни чекори во борбата против тероризмот.
„Заедно со осудата, сакаме да видиме конкретни чекори од нашите пријатели. Тие треба да знаат дека изјавите кои нѐ смируваат и предупредуваат за тероризам нема да ни ги залечат раните“, рече Ердоган, додавајќи:
„Како нација која жртвуваше илјадници свои деца на тероризмот, навистина не можеме да го разбереме толерантниот однос кон убијците со крвави раце. Не можеме да си објасниме ниту на себе ниту на нашата нација дека не е преземена никаква акција против терористичките лидери и покрај огромното мнозинство презентирани докази“.
