Турскиот Претседател Реџеп Тајип Ердоган изјави во вторникот дека Туркије е лидер во Европа по земјоделскииот бруто домашен производ (БДП) и врвен светски производител на лешници, смокви, цреши и кајсии.
„Туркије е на четвртото место во светот во производството на зеленчук и на петтото во производството на овошје“, рече Ердоган на состанокот на советодавниот одбор на Унијата на турските земјоделски комори (ТЗОБ) по повод Светскиот ден на фармерите.
Земјоделскиот БДП на Туркије се зголеми на 69,2 милијарди долари во 2023 година од 25,1 милијарди долари во 2002 година, благодарение на стимулациите и инвестициите од владата, истакна тој.
Укажувајќи на зголемената побарувачка за земјоделски производи поради зголемувањето на бројот на населението и туристичките бројки, покрај глобалните кризи, Ердоган истакна дека земјоделските политики ќе бидат соодветно обликувани и ажурирани.
Ердоган истакна дека е започната сеопфатна студија за да се минимизираат проблемите во земјоделскиот сектор и ќе се започне со планирано земјоделско производство.
