Претседателот на Република Туркије, Реџеп Таип Ердоган изјави дека Туркије и Романија поставија нова цел во билатералната трговска размена, која треба да се зголеми на 15 милијарди долари годишно.
„Обеменот на билатералната трговија меѓу Туркије и Романија надмина десет милијарди долари во две последователни години, сега нашата цел е да достигнеме 15 милијарди долари размена“, рече Ердоган на новинарите по средбата со романскиот премиер Марсел Чолаку во Претседателскиот комплекс во Анкара.
Ердоган најави дека романските граѓани наскоро ќе можат да патуваат во Туркије без пасош.
„Спроведовме регулатива што ќе им овозможи на романските граѓани да патуваат во нашата земја со лична карта“, додаде Ердоган.
Потпретседателот на Туркије Џевдет Јилмаз минатиот месец изјави дека турските директни инвестиции во Романија достигнале 7,5 милијарди долари, додавајќи дека Романија е една од десетте земји од Европската унија во кои турските компании најмногу инвестираат.
Во денешното обраќање пред новинарите, Ердоган остро ги осуди израелските напади врз Појасот Газа и укажа на неопходноста да се стави крај на страдањата на палестинскиот народ.
„Нетанјаху и неговата очајна влада ја продолжуваат својата политика на геноцид на сметка на загрозување на безбедноста на своите граѓани. Ова мора да престане сега“, рече Ердоган.
Турскиот претседател Ердоган рече дека одговорноста на меѓународната заедница е очигледна за запирање на израелските злосторства и обезбедување безбедност на палестинскиот народ.
„Сепак, и покрај ова, сè уште не се преземаат чекори за да се спречи масакрот“, рече Ердоган.
