Турскиот претседател Реџеп Таип Ердоган ја истакна одлучноста за елиминирање на заканата од тероризмот не само во својата земја, туку и во целиот регион во иднина.
„Одлучни сме да покажеме дека за тероризмот нема место во иднината на Туркије и регионот. Со неодамнешните избори оваа одлучност е дополнително зајакната“, рече Ердоган обраќајќи се на ифтарот со претставници на безбедносните служби во главниот град Анкара.
Тој исто така нагласи дека тероризмот не е политичко прашање и дека треба да се третира поинаку.
Ердоган рече дека сите терористички организации, ПКК, ФЕТО, ДАЕШ и ДХКП-Џ, се непријатели на турскиот народ.
Во својата речиси 40-годишна терористичка кампања против Туркије, ПКК, прогласена за терористичка организација од САД, ЕУ и Туркије, е одговорна за смртта на повеќе од 40.000 луѓе, вклучително и деца и жени.
Терористичката организација ФЕТО, предводена од Фетула Ѓулен, кој живее во САД и чија екстрадиција беше официјално побарана од Анкара, е одговорна за крвавиот обид за пуч во Туркије ноќта на 15 јули 2016 година, во кој загинаа 251 лице, а ранети беа 2.200 лица.
