Го урнавме рекордот во историјата на Република Туркије во однос на извозните бројки за целата година, изјави турскиот претседател Реџеп Таип Ердоган во петокот на настанот на Собранието на турските извозници во Истанбул.
Ердоган рече дека извозот на Туркије е зголемен на годишно ниво.
„Извозот на Туркије достигна рекордно високо ниво од 262 милијарди долари во текот на минатата година, што е раст од 2,5 отсто на годишно ниво“, изјави претседателот и додаде:
„Надворешнотрговскиот дефицит на земјата, кој изнесуваше 106,3 милијарди долари во 2023 година, се намали на 82,2 милијарди долари. Соодносот на покриеност на извозот и увозот достигна 76,1 отсто во 2024 година, што е раст од 5,5 процентни поени на годишно ниво. Само во декември извозот на земјата се зголеми за 2,2 отсто на 23,5 милијарди долари, што е уште едно рекордно ниво“, додаде тој.
Во врска со бруто-домашниот производ (БДП) на Туркије, Ердоган рече дека приходот по глава на жител во земјата, кој изнесувал 13.243 долари во 2023 година, се очекува да надмине 15.000 долари во 2024 година и да надмине 17.000 долари во 2025 година.
Тој рече дека Туркије има за цел да достигне раст од 4 отсто во 2025 година со поддршка на нето-извозот и основните капитални инвестиции.
„Туркије, со раст од 2,1 отсто во третиот квартал, постигна позитивни стапки на раст во последните 17 квартали“, потсети претседателот Ердоган.
