Генералниот секретар на НАТО, Марк Руте, рече дека со нетрпение очекува да се сретне со претседателот Реџеп Таип Ердоган за да дискутираат за растечките предизвици на колективната безбедност, вклучително и за заканата од тероризам, војната во Украина и кризата на Блискиот Исток.
Руте со дописникот на АА зборуваше за својата прва посета на Анкара по преземањето на функцијата генерален секретар на НАТО.
„Со нетрпение очекувам да се сретнам со претседателот Ердоган за да дискутираме за растечките предизвици на нашата колективна безбедност, вклучително и за заканата од тероризам, војната во Украина и кризата на Блискиот Исток“, рече генералниот секретар на НАТО, Руте.
„Во сè понепредвидливиот свет Туркије дава непроценлив придонес за нашата Алијанса, зајакнувајќи го одвраќањето од нашето јужно крило. Туркије има втора по големина армија во НАТО, импресивна одбранбена индустрија и таа е силен и решителен сојузник повеќе од 70 години“, истакна Руте.
Во писменото соопштение што го објави НАТО се вели дека Руте денес ќе се сретне со претседателот Реџеп Таип Ердоган, со министерот за надворешни работи Хакан Фидан и министерот за национална одбрана Јашар Ѓулер.
Се наведува дека Руте ќе се сретне и со претставници на турската одбранбена индустрија и ќе ги посети капацитетите на Турската воздухопловна и вселенска индустрија (ТУСАШ) и Аниткабир, мавзолејот на Мустафа Кемал Ататурк, основачот на модерна Република Туркије.
