Американскиот национален центар за предвидување на животната средина објави дека 3 јули 2023 година бил најтоплиот ден досега забележан на Земјата.
„Светската просечна температура на 3 јули достигна 17,01 Целзиусови степени, надминувајќи го претходниот рекорд од 16,9 Целзиусови степени поставен во август 2016 година“, велат од Одделот за метеоролошка служба на Центарот.
Ова лето, климатските промени поттикнуваат екстремни топлотни бранови ширум светот, предизвикувајќи метеоролошки предупредувања и одземајќи безброј животи.
Од Северна Америка до Европа, Азија и Блискиот Исток, земјите се борат со високите температури.
Во САД, беа издадени предупредувања низ целата земја бидејќи голема топлина и задушувачка влажност ги погодија пошироките региони.
Мексико исто така беше сериозно погодено со температури кои достигнаа 40 степени Целзиусови. Повеќе од 110 луѓе ги загубија животите поради високите температури во оваа држава.
Велика Британија го доживеа најтоплиот јуни од 1884 година кога почна да се води евиденцијата. Просечната температура беше 15,8 степени Целзиусови, речиси еден степен повисока од претходните максимални за месецот.
Во Иран, температурите достигнаа неверојатни 50 степени Целзиусови во некои области.
Во Шпанија, живата се искачи на 44 степени Целзиусови. Пакистан и Индија, исто така, претрпеа катастрофални последици од жештината. И Кина ги бележи своите најтопли денови во последните шест децении, со температури кои достигнуваат 40 степени Целзиусови.
