Американскиот претседател Џо Бајден и првата дама Џил Бајден организираа вечера за сојузниците и партнерите на НАТО во Белата куќа во синоќа.
„Џил и јас сме почестени што имаме толку многу блиски сојузници и пријатели во иста просторија“, им рече Бајден на светските лидери и нивните сопружници, заедно со генералниот секретар на НАТО, Јенс Столтенберг.
Иако 32-та сојузници не делат заеднички јазик или граница, Бајден рече дека сите тие се „соседи“ кои „споделуваат заеднички верувања“.
Турскиот претседател Реџеп Таип Ердоган на вечерата присуствуваше со првата дама Емине Ердоган.
Лидерите на НАТО се собраа во вторникот во Вашингтон на тридневниот самит по повод одбележувањето на 75-годишнината од основањето на воената алијанса.
На самитот, кој се занимава со предизвиците со кои се соочува Алијансата и има за цел дополнително зајакнување на одвраќањето и одбраната на НАТО, присуствуваат и украинскиот претседател Владимир Зеленски и шефовите на делегациите на партнерите на НАТО од Индо-Пацифичкиот Регион.
Денес, лидерите ќе присуствуваат на состанокот на Северноатлантскиот совет, во кој се вклучени индо-пацифичките партнери и Европската Унија, по што ќе следува состанок на Советот НАТО - Украина.
Столтенберг изјави дека очекува сојузниците да донесат важни одлуки за зајакнување на поддршката за Украина, зајакнување на одвраќањето и одбраната на НАТО и продлабочување на сојузништвото со партнерите од Индо-Пацифичкиот Регион.
