Јапонскиот премиер Шигеру Ишиба побара правна рамка за „минимизирање на опасностите и ризиците“ што ги носи вештачката интелигенција, откако новиот чатбот на кинескиот стартап ДипСик го шокираше технолошкиот свет.
Ишиба им кажа на пратениците дека употребата на вештачка интелигенција е клучна во решавањето на прашањата како што е ниската продуктивност со која се соочува Јапонија.
„Треба да создадеме основен план за тоа како можеме да промовираме истражување и развој, како и употреба на вештачка интелигенција на безбеден начин“, рече тој.
Сепак, тој додаде: „Нашиот итен предизвик е да подготвиме законодавство што ќе ја максимизира практичноста на вештачката интелигенција и ќе ги минимизира опасностите и ризиците поврзани со употребата“.
На Ишиба ќе му треба поддршка од опозициските партии во долниот дом на парламентот за да го усвои секој предлог-закон поврзан со ВИ бидејќи владејачката коалиција Либерално-демократска партија-Комеито нема минимална поддршка од 233 пратеници.
ДипСик предизвика пад на вредноста на акциите на технолошките компанија и стана најсимнуваната бесплатна апликација во САД.
Инвеститорите беа изненадени како евтината алатка за генерирање на вештачка интелигенција со отворен код можеше да се натпреварува со водечките апликации за вештачка интелигенција како што е Чат ГПТ.
