Министерството за надворешни работи на Босна и Херцеговина е информирано од Амбасадата во Стокхолм дека државјанка на БиХ е убиена, а еден државјанин е ранет во масовно пукање што се случи на 4 февруари во Оребро, Шведска.
„Ова се неофицијални информации што Амбасадата на БиХ ги добила од членови на семејствата на загинатите државјани на БиХ, додека полицијата на Кралството Шведска се уште не ги соопштила имињата на жртвите од нападот во Оребро“, нагласуваат од Министерството за надворешни работи.
Амбасадата на Босна и Херцеговина во Стокхолм е во постојан контакт со надлежните органи и локалните власти во Шведска со цел навремено да ја информира јавноста за состојбата во Оребро.
„Министерството за надворешни работи на Босна и Херцеговина изразува длабоко сочувство до семејствата на жртвите од трагичниот напад во Оребро“, стои во соопштението.
Во пукање во училиште во централна Шведска загинаа 11 лица, а меѓу загинатите се верува дека е и напаѓачот, соопшти во средата шведската полиција.
Властите се уште не го потврдиле бројот на повредени, а полицијата предупредува дека бројот на жртвите може да се зголеми, јави телевизијата СВТ.
