Две лица, меѓу кои и едно дете, загинаа во напад со нож во Германија

Две лица, меѓу кои и двегодишно дете, се убиени денеска во напад со нож во германскиот град Ашафенбург во Баварија.

Нападот се случил околу 11:45 часот во градскиот парк.

Полицијата соопшти дека напаѓачот е уапсен и е 28-годишен маж од Авганистан.

Покрај детето, втората жртва е 41-годишен маж. Две лица се здобиле со тешки телесни повреди и се задржани во болница.

Полицијата соопшти дека нема индиции дека во нападот учествувале повеќе лица и додаваат дека опасноста за населението поминала.