Вулкан во југозападен Исланд еруптираше по неколку недели интензивна сеизмичка активност, соопшти Метеоролошката служба на земјата.
На полуостровот Рејкјанес, властите евакуираа речиси 4.000 жители на рибарскиот град Гриндавик и ја затворија блиската геотермална бања Блу Лагун.
„Предупредување: Ерупцијата започна северно од Гриндавик во близина на Хагафел“, објави Метеоролошката канцеларија на својата веб-страница.
На снимките и во директните преноси на локалната новинска агенција РУВ се гледа како излегува лава.
Меѓународниот аеродром во Рејкјавик, кој се наоѓа во близина, остана отворен.
„Во моментов нема пречки во пристигнувањето и полетувањето на аеродромот Кефлавик, стои на веб-страницата на аеродромот.
Имаше неколку ерупции на полуостровот во ненаселени области во последниве години, но се верува дека сегашната ерупција претставува непосредна закана за градот, соопштија властите.
Рејкјанес е вулканско и сеизмичко жариште југозападно од главниот град Рејкјавик.
Во март 2021 година, фонтаните од лава еруптираа спектакуларно од пукнатина долга 500-750 метри во земјата во вулканскиот систем Фаградалсфјал.
