Европската унија денеска одобри финансиска помош за Украина од околу 4,1 милијарди евра.
Европскиот совет соопшти дека земјите-членки на ЕУ ја прифатиле одлуката за втората редовна исплата во рамки на финансиската поддршка од 50 милијарди евра планирана за Украина до 2027 година.
Како што е наведено, ЕУ ќе ја поддржи макрофинансиската стабилност и функционирањето на јавната администрација во Украина.
Се додава дека Украина ги исполнила потребните услови и реформи за добивање средства.
Во соопштението се потсетува дека Украина се наоѓа во тежок финансиски период и се наведува дека парите ќе бидат доделени во најкраток можен рок.
Потсетувајќи дека Фондот на Украина стапи на сила во март, беше наведено дека на Киев ќе му се обезбеди стабилно финансирање од 50 милијарди евра, составено од грантови и заеми, за периодот 2024-2027 година.
