Секој единаесетти човек во Германија има екстремно десничарски поглед на светот, покажува новото истражување на Фондацијата „Фридрих Еберт“, објавено денеска.
Анкетата покажа дека бројот на луѓе со екстремно десничарски ставови е значително зголемен во последните две години и надминал осум отсто.
Во истражувањето на Фондацијата за 2020-2021 година, помалку од два отсто од испитаниците јасно изразиле поддршка за десничарските екстремистички ставови.
Истражувачите велат дека последиците од руско-украинската војна, високите цени на енергијата и високата инфлација создаваат предизвици за политичкиот центар и ја зајакнуваат екстремната десница.
„Неизвесноста и конфликтите околу тоа кој што добива и колку обезбедуваат бегство за десничарските екстремистички идеологии и антидемократските ставови“, велат истражувачите во резимето на нивниот извештај.
Според истражувањето, довербата во институциите и функционирањето на демократијата во Германија паднала под 60 отсто.
Повеќе од 16 отсто од испитаниците ги одобрија ксенофобичните изјави, додека 5,7 отсто изразиле антисемитски ставови. Околу четири отсто ги минимизираа злосторствата извршени од Хитлер и ја пофалија нацистичката идеологија или политика.
Повеќе од шест отсто се согласија со изјавата дека диктатурата и една силна партија би биле преферираниот облик на владеењето за Германија.
Во јануари и февруари годинава во истражувањето биле опфатени речиси 2.000 испитаници на возраст од 18 до 90 години.
