Германските власти ги суспендираа сите одлуки за сириските барања за азил поради зголемената неизвесност за условите во Сирија, објавија денес локалните медиуми.
Федералната канцеларија за миграција и бегалци (БАМФ) ги паузираше одлуките за 47.270 нерешени случаи поради тешкотии во проценката на политичката ситуација во Сирија, што се развива, објави новинскиот магазин „Дер Шпигел“.
Статусот на Сиријците во Германија и бегалската политика на Берлин станаа клучни политички точки пред предвремените избори во февруари.
Додека високи политичари од Партијата за христијанско единство (ЦДУ-ЦСУ) вршат притисок за враќање на сириските бегалци во нивната татковина, Социјалдемократската партија (СПД) на канцеларот Олаф Шолц и нивните коалициски партнери на Зелените се залагаат за повнимателен пристап, наведувајќи ги нестабилните услови во Сирија.
