Германските безбедносни сили уапсија двајца осомничени руски шпиони за планирање диверзантски операции во земјата, соопштија властите во четвртокот.
Двајцата осомничени се германско-руски двојни државјани и наводно биле вмешани во планови за напад на воена инфраструктура и индустриски локации, се вели во соопштението на Федералното обвинителство.
„Акциите беа особено наменети за поткопување на воената поддршка што Германија и ја дава на Украина против руската агресивна војна“, рекоа обвинителите.
Главниот осомничен, Дитер С., собирал информации за потенцијални цели за напад, вклучително и американски воени објекти во Германија, велат истражителите.
AA
