Силнто невреме остави илјадници луѓе во Австралија без електрична енергија, додека евакуацијата продолжува поради заканата од поплави. Повеќе од 158.000 домаќинства и бизниси останаа без струја.
Силни ветрови и обилни врнежи зафатија делови од Тасманија и Викторија во југоисточните делови на земјата.
Најмалку една жена е прогласена за мртва откако дрво удри во кабина во Моама, на државната граница меѓу Нов Јужен Велс и Викторија, објави телевизијата Ес-Би-Ес.
Пристигнати се околу 1.000 пријави за штети на згради, како и паднати дрвја, кои ги блокираат патиштата.
Во делови од Мелбурн исто така паѓаше и град.
„Тоа беше апсолутно ужасен ветер и дожд“, рече Крис Килби, фармер во северна Тасманија, чиј покрив делумно беше уништен.
Исто така, некои училишта се затворени бидејќи реките ги пробиле насипите.
