Грција во четвртокот повтори дека парите инвестирани во трошоците за одбрана не треба да бидат дел од пресметката на дефицитот на Европската унија.
За време на работната вечера во Атина со италијанскиот премиер Џорџија Мелони, премиерот Киријакос Мицотакис рече дека трошоците за одбрана треба да бидат исклучени од пресметката на ЕУ за дефицитите за нејзините земји-членки, се вели во соопштението на Кабинетот на грчкиот премиер.
На средбата двајцата премиери разговараа и за проширување на билатералните односи, особено во делот на економијата, со посебен акцент на соработката во енергетската област.
Во однос на взаемните интереси и заедничките предизвици, Мицотакис и Мелони потврдија дека интегрираната европска миграциска политика бара чување на границите, како и потреба од сузбивање на мрежите на шверцерите и спречување на заминувања од трети земји, се додава.
Тие се договорија и за свикување на Врховниот совет на грчко-италијанската соработка во првата половина на 2024 година во Италија.
