Генералниот секретар на Обединетите нации (ОН) Антонио Гутереш во пресрет на следниот самит за климата (COP27) го повика светот да дејствува за да се спречат климатските катастрофи и да се спаси човечкиот вид.
Гутереш на состанокот во Киншаса, главниот град на Демократска Република Конго, рече дека 20-те најбогати земји во светот не прават доволно за борба против климатските промени.
Тој предупреди дека емисиите на стакленички гасови кои предизвикуваат глобално затоплување се на највисоко ниво и постојано се зголемуваат.
Гутереш истакна дека е време за компромис меѓу развиените земји кои испуштаат најголем дел од овие гасови и економиите во развој кои генерално најмногу страдаат од негативните последици.
Како што рече, сега е време да се дејствува.
„Недејствувањето дополнително ќе доведе до дополнително губење на довербата и дополнително оштетување на климата. Ова е морален императив што не може да се игнорира“, рече Гутереш.
Конференцијата на Обединетите нации за климатски промени 2022 - COP27, ќе се одржи од 6 до 18 ноември 2022 година во Шарм Ел Шеик, Египет.
