Холандскиот расист и исламофоб, политичкиот лидер Герт Вилдерс, уште на третиот ден од функцијата го критикуваше Дик Шуф, кого го препорача за премиер на екстремно десничарско-десничарската коалициска Влада, дека е слаб кон опозицијата.
Вилдерс, чија Партија на слободата (ПВВ) со добиени 23,5% од гласовите на предвремените општи избори одржани во земјата на 22 ноември 2023 година освои 37 пратенички места, соопшти дека ќе формира коалиција со Народната партија за слобода и демократија (ВВД) предводена од Дилан Јешилѓоз, која на овие избори е трета со 24 пратенички места, со Партијата на новиот социјален договор (НСЦ) предводена од Питер Омцигт на четврто место со 20 пратеници и со партијата Земјоделско-граѓанско движење (БББ) предводена од Каролин ван дер Плас, која се најде на шесто место со седум пратеници.
Вилдерс, чија желба да стане премиер беше одбиена од коалициските партии, предложи поранешниот шеф на разузнавањето Дик Шуф да стане премиер. Бидејќи Вилдерс нема да биде дел од Владата, коалициските партнери го прифатија овој предлог.
По 223 дена од општите избори во Холандија, кои се одржаа на 22 ноември 2023 година, екстремно десничарско централнодесничарската коалициска Влада, за која Вилдерс уште од првиот ден рече дека е единствена опција, положи заклетва на 2 јули, чиј претседател е Шуф.
Првата разлика во ставовите меѓу Вилдерс и премиерот што тој го предложи се појави третиот ден од формирањето на Владата.
Додека во холандскиот Парламент се расправаше за владината програма, опозицијата постави многу прашања дали Владата ќе следи расистичка политика или не и за расистичките министри во Владата.
Како одговор на овие прашања, поранешниот шеф на холандското разузнавање Шуф даде уверување дека неговата Влада нема да се впушта во расизам или дискриминација, туку ќе следи инклузивни политики за сите и дека ќе се придржува кон Уставот.
Вилдерс, кој сметаше дека Шуф адекватно не се бранел себеси и „расистичките“ министри од сопствената партија во Владата, истакна дека одговорите на премиерот, според него, биле многу слаби.
По говорот во Парламентот, Вилдерс ја продолжи критиката кон Шуф преку социјалната мрежа Х истакнувајќи:
„Доколку на некоја дебата во Парламентот министрите на ПВВ бидат наречени 'расисти', премиерот веднаш треба да се оддалечи од оваа расправа. Нема да прифатaм ништо помалку. Секогаш ќе стојам покрај нашите министри.“
Оваа критика на Вилдерс кон премиерот наиде на реакција од Јешилѓоз, лидер на коалициониот партнер ВВД. Во пораката на социјалната мрежа Х Јешилѓоз го обвини Вилдерс дека постапува неодговорно критикувајќи го премиерот Шуф додека опозицијата ја таргетира Владата.
Му беше судено за расизам
Расизмот на Вилдерс, кој рече дека се чувствува непријатно кога го нарекуваат расист, беше предмет на тужба.
Против Вилдерс беше поднесена тужба за навреда на Мароканците на една партиска активност во 2014 година. Случајот траеше седум години и Вилдерс беше осуден за виновен поради навреда и поттикнување дискриминација, но освен тоа тој не доби дополнителна казна со образложение дека донесената судска одлука била доволна за политичар.
На состанокот на кој биле оценувани резултатите од локалните избори во 2014 година, Вилдерс ги прашал членовите на партијата: „Дали сакате во овој град и во Холандија повеќе или помалку Мароканци?“ и по добиениот одговор „малку“ рекол: „Ќе направиме што е потребно.“
Вилдерс предизвика многу скандали за време на процесот на формирање коалиција
Вилдерс, кој со голема предност се најде на прво место на изборите одржани на 22 ноември во Холандија, мораше да направи чекор назад откако предизвика многу скандали за време на преговорите за формирање коалиција.
Откако по изборите не вродија со плод напорите на Роналд Пластерк, еден од поранешните министри за внатрешни работи, кој бил назначен да ги истражува можностите за коалицирање, Вилдерс го поддржа Пластерк да стане премиер на десничарската Влада.
Пластерк, кој ја доби поддршката од Вилдерс за премиерската функција, на 20 мај објави дека ја повлекол кандидатурата за премиерската функција по појавата на скандалот со приходите што ги добил од патентот за лекување рак.
Вилдерс изрази жалење поради ова бидејќи сметаше дека Пластерк, кој ги негираше наводите за измама со патенти, би бил одличен премиер.
Гом ван Стриен од ПВВ, е уште еден кандидат на Герт Вилдерс што беше вмешан во неправилности и скандали.
Ван Стриен, кој беше назначен да формира влада пред Пластерк, мораше да поднесе оставка без да оствари ниту една средба со партиите кандидати за формирање коалиција.
Тој поднесе оставка од функцијата по обвинувањата дека е вмешан во неправилности во подружницата на Универзитетската болница во Утрехт, која ја водел до 2009 година.
Службата за финансиско разузнавање и истрага (ФИОД) минатиот месец изврши претрес во домот на Ван Стриен. Тој стана „личност што најкратко служеше меѓу службениците задолжени да формираат влада во холандската историја“.
И пред ноемвриските избори во Холандија голем број функционери од партијата на Вилдерс беа вмешани во расизам или корупција.
Емил Смединг, член на Советот на ПВВ на Општина Делфзијл, поднесе оставка по коментарот „Изгаснете го со бензин“ објавен на Фејсбук во врска со пожарот што избувна во центарот за поднесување барање за азил во местото Тер Апел во 2018 година. Вилдерс го разреши од функцијата членот на ПВВ во Ротердам, Геза Хегедус, поради расистичко однесување.
Мајкл Химелс, еден од портпаролите на ПВВ, партијата на Вилдерс, беше осуден поради проневера на парите на партијата во 2016 година, а Рене Ехуис, член на Советот на ПВВ од Алмере, беше исклучен од партијата со образложение дека префрлал пари на сопствена сметка.
Кандидатот за министер роден во Тел Авив не ја помина безбедносната контрола
Последниот кандидат што Вилдерс мораше да го повлече беше Гиди Маркузовер, пратеник на ПВВ, роден во Тел Авив, кого го препорача за Министерството за имиграција и азил.
Вилдерс, кој често го посетува Израел и постојано го изразува своето пријателство со оваа земја, мораше да ја повлече кандидатурата на произраелецот Маркузовер, кого сакаше да го внесе во Кабинетот.
Холандскиот печат објави дека Маркузовер не можел да ја помине безбедносната истрага поради неговата блискост со Израел и разузнавачката служба Мосад, а Вилдерс, од друга страна, на својот профил на социјалната мрежа Х објави дека ја повлекол кандидатура за министер поради содржината на истрагата против Маркузовер.
Откако не ја помина безбедносната истрага на Холандската разузнавачка и безбедносна агенција (АИВД), Вилдерс замижувајќи му дозволил на Маркузовер да остане во ПВВ. Вилдерс планирал Маркузовер да ја извршува и функцијата заменик-премиер во Владата.
Вилдерс, кој е познат по пријателството со Израел, како последно ја објави својата поддршка за израелскиот премиер Бенјамин Нетанјаху кога главниот обвинител на Меѓународниот кривичен суд (МКС), Карим Кан издаде налог за приведување на израелскиот премиер.
Вилдерс во врска со телефонскиот разговор што го имал со Нетанјаху во знак на поддршка по барањето на државниот обвинител Кан за приведување на премиерот на Израел, истакна:
„Ја изразив мојата силна поддршка за државата Израел и еврејскиот народ. Одлуката на обвинителот на МКС е смешна и погрешна. Злосторство е да не го браниш својот народ од силите на омразата и теророт.“
Вилдерс продолжи со навредите кон исламот и пред формирањето на Владата
Вилдерс, кој е познат по своите чести навреди упатени кон исламот и муслиманите, таквиот став го продолжи и во изјавите што ги објави на социјалните мрежи пред формирањето на коалициската Влада.
„Исламот е одвратен, за осуда, религија што содржи насилство и омраза“, рече Вилдерс во својата порака на X објавена на 26 јуни.
Другите партии побараа од Вилдерс да се откаже од своите ветувања и барања што се спротивни на холандскиот Устав, чии навредливи и дискриминаторски изјави против муслиманите претставуваа проблем и во коалицискиот процес.
Вилдерс го смени тонот на својата антиисламска реторика со почетокот на коалицискиот процес и мораше да го повлече предлог-законот што го поднесе во 2018 година под наслов „Забрана за исламско изразување“, кој вклучуваше затворање на џамии и исламски училишта во земјата и забрана на Куранот и бурката.
Вилдерс го повлече и својот предлог за лицата со двојно државјанство според кој не им се дава право да гласаат и да бидат избрани.
Неговиот политички живот е обликуван со антиисламизам
Вилдерс е роден во Венло, Холандија, во 1963 година. Тој е дете од татко Холанѓанец и мајка имигрант од Индонезија. Познато е дека Вилдерс, кој периодот на својата младост меѓу 1981 и 1983 година го поминал во Израел и окупираните палестински територии, неколку месеци се обучувал во кооперативното земјоделско село на илегални еврејски доселеници, наречено „мошав“.
Познато е дека Вилдерс често го посетувал Израел во наредните години. Оваа земја тој ја опишува како „место каде што се чувствува како дома“ и „многу блиску до неговото срце“.
Вилдерс за Израел ги користи изразите „канаринец во рудник за јаглен“ и „прва линија за одбрана на Западот од исламот“.
Герт Вилдерс влезе во активната политика во Холандија по изборот за пратеник од Народната партија за слобода и демократија (ВВД) во 1998 година.
Процесот на членство на Туркије во ЕУ беше одлучувачки за политичкиот живот на Вилдерс, кој ја интензивираше својата антимуслиманска реторика по убиството на антиисламскиот политичар Тим Фортујн од страна на активист за правата на животните во 2002 година.
Вилдерс поднесе оставка од својата партија откако беше вознемирен од одлуката на шефовите на држави и влади на ЕУ да започнат преговори за членство на Туркије во ЕУ на Самитот во Брисел во 2004 година и од поддршката на ВВД на оваа одлука.
Во тогашните изјави Вилдерс тврдеше дека терминот „Туркије не може да стане членка на ЕУ“ треба да биде вклучен во партиската програма и дека партијата треба да следи став во оваа насока, но бидејќи неговата партија не се сменила во оваа насока, соодветно на тоа решил да поднесе оставка. Овој холандски политичар нагласи дека Туркије не треба да биде примена во ЕУ „бидејќи таа е муслиманска земја, а исламот содржи заостаната култура“.
Вилдерс ја основа партијата ПВВ во 2006 година по оставката поднесена во ВВД. На првите општи избори на кои учествуваше истата година со девет места во Парламентот стана петта по големина партија во Холандија и ги интензивираше своите антиисламски активности.
Вилдерс беше натажен поради неуспехот на обидот за пуч на ФЕТО
Во обраќањето во холандскиот Парламент Вилдерс изрази жалење поради неуспехот на обидот за државен удар на Терористичка организација на Фетула (ФЕТО) на 15 јули 2016 година во Туркије. Тој побара Туркије да биде отстранета од НАТО, со што овој расистички политичар го откри своето контрадикторно гледиште кон демократијата.
По изборите во Туркије во 2023 година Вилдерс на социјалните мрежи им се закани на холандските Турци кои го дале својот глас за претседателот Реџеп Таип Ердоган „со барање да ги спакуваат куферите и да се преселат во Туркије“ што беше уште еден показател за неговото проблематично разбирање на демократијата.
