Епл го смени името на Мексиканскиот Залив во „Американски Залив“ на своите мапи, откако наредбата на американскиот претседател Доналд Трамп стана официјална во рамките на Географскиот информациски систем на САД.
Промената доаѓа откако и од Гугл во неделата рекоа дека ги направиле промените и дека корисниците во САД ќе го видат „Американскиот Залив“ на мапата, додека корисниците во Мексико сè уште ќе го гледаат „Мексиканскиот Залив“.
За сите други корисници, и двете имиња ќе бидат прикажани.
По преземањето на функцијата, Трамп нареди да се преименува водното тело што ги опкружува Соединетите држави, Мексико и Куба.
Информацискиот систем за географски имиња на САД официјално го ажурираше името во неделата.
Мајкрософт, исто така, направи промена во своите мапи на Бинг.
Новинската агенција Асошиејтед Прес (АП), која обезбедува вести низ светот, ќе продолжи да го користи името Мексикански залив, кое се користи во изминатите 400 години, притоа забележувајќи го постоењето на името „Американски залив“.
АП денеска соопшти дека му било забрането да испрати известувач во Белата куќа, во обид да ја „казни“ агенцијата за нејзините насоки за почитување на употребата на името на Мексиканскиот Залив, наместо преферираното име на Доналд Трамп за географската одредница како Залив на Америка.
„Како глобална новинска организација, Асошиетед прес секојдневно информира милијарди луѓе ширум светот со фактичко, непартиско новинарство“, изјави извршниот уредник на АП, Џули Пејс.
