Неколку месеци пред клучните национални избори, Индија е зафатена со жестока дебата за тоа дали земјата треба да се нарекува „Барат“, санскритски збор што го претпочитаат хинду-културно-националистите од англиската варијанта.
Додека владата предводена од премиерот Нарендра Моди не посочи каква било официјална промена на името на земјата, многу функционери на владејачката хинду националистичка Баратија Џаната Партија и нејзините симпатизери, почнаа да се борат за Барат, наместо Индија, откако во поканите за свечената вечера на Самитот на Г-20 организирана од претседателката Друпади Мурму, се нарече „претседател на Барат“.
„Претседател на Индија“ досега беше традиционална употреба. Додавајќи масло на огнот, портпаролот на владејачката партија сподели документ за претстојната посета на Моди на Индонезија во кој се нарекува „Премиер на Барат“.
Контроверзноста доаѓа неколку дена откако 28 опозициски партии кои се обединија против Моди под акронимот ИНДИЈА (Индиска национална развојна инклузивна алијанса) решија заедно да се натпреваруваат на општите избори во 2024 година.
Лидерите на опозициската партија ја обвинија владејачката партија на Моди дека намерно предизвикала контроверзност со дилемата „Барат против Индија“ за да го поларизира јавното мислење и да го одврати вниманието на јавноста од горливите прашања како што се инфлацијата, невработеноста, партнерски капитализам и злоупотребата на истражните агенции за да ги прогонува политичките противници и граѓаните.
„Ова се обиди на власта да го поткопа името на опозицискиот сојуз, велат оттаму.
Џајрам Рамеш, висок опозициски пратеник во парламентот, ја обвини владата на Моди дека се обидува да ја „искриви историјата“ и да ја подели Индија.
По малку историја и малку политика
Индија и Барат се и уставно валидни имиња за земјата, кои често се користат наизменично. Барат се претпочита на хинди, додека Индија се користи во глобалната арена и на англиски јазик.
Членот 1 од Уставот на земјата вели: „Индија, односно Барат, ќе биде Унија на држави“. Политичарите и коментаторите честопати го користеа идиомот „Индија против Барат“ за да ги одразат разликите помеѓу два географски и културни идентитети во земјата. За нив „Барат“ се однесува на руралните, провинциски заостанати региони на земјата кои се борат со недостаток на развој и фатени во традицијата и античката култура. Индија за нив е постојано урбанизиран, модерен, англиски и глобализиран урбан простор.
Меѓутоа, во изминатите неколку децении, хинду националистите кои ја нарекуваат Индија како хинду нација, бараат да се користи само името Барат за да се опише земјата. Тоа е античко име добиено од хинду митологијата заснована на замислено и обединето културно минато. Хинду националистите тврдат дека името Индија, кое ја означува поврзаноста на земјата со цивилизацијата на долината Инд, било британска конструкција наметната на земјата за време на колонијалните времиња.
Тековната дебата за нарекување на Индија како Барат беше поттикната од Мохан Багват, шеф на хинду националистичката организација Раштрија Свајамсевак Санг, која е идеолошки извор на владејачката БЏП на Моди.
Багват ги повика луѓето да го користат Бхарат наместо Индија во јавниот јазик. Со оглед на тоа што владата на Моди свика специјална седница на парламентот кон крајот на овој месец, а агендата за која е мистерија, во медиумите во земјата се засилени шпекулациите за евентуално отфрлање на името Индија од страна на владата.
„Нашата земја со векови е позната како „Барат“. Каков и да е јазикот, името останува исто“, изјави неодамна Багват.
Неговите коментари ја одразуваат хинду националистичката агенда за враќање на хинду идентитетот на земјата и отфрлање на багажот на долгите периоди на британскиот колонијализам и владеење на муслиманските императори, особено Могалите.
Во последните неколку години, БЏП ги смени имињата на неколку места со исламски идентитет и ги замени со имиња поврзани со хинду митологијата. Градот Алахабад основан од Акбар бил преименуван во Прајаграџ, а Фајзабад во Ајодја.
Неодамна, владата го замени зборот индиски со „Баратија“ бидејќи реформираше три важни закони од британската ера кои се занимаваат со законот и редот и правдата во земјата.
На претстојните општи избори, БЏП и нејзините партнери во сојузот (Националната демократска алијанса или НДА) се соочуваат со предизвикот на блокот ИНДИЈА предводен од Конгресната партија.
Рахул Ганди, пратеник во Конгресот и еден од главните предизвикувачи на Моди, вели дека блокот ИНДИЈА претставува 60 отсто од населението во земјата. „Ако партиите на оваа сцена се обединат, невозможно е БЏП да победи на избори“, рече тој неодамна во Мумбаи.
Моди и неговите сојузници уживаат огромно мнозинство во долниот дом на индискиот парламент, заземајќи над 330 места од вкупно 545.
Набљудувачите сметаат дека опозицијата избрала паметен акроним за себе за да ја затапи тенденцијата на владејачката партија да ги етикетира своите противници како антинационални и да се прашува нивните патриотски ингеренции.
Набргу откако опозициските партии го формираа блокот ИНДИЈА, Моди, додека зборуваше во Парламентот, употреби неодобрувачки термин „гамандија“ за нив.
Гамандија е хиндиски збор за арогантен и има сличен звук како ИНДИЈА.
Моди, исто така, ја спореди главната опозициска партија Индискиот национален конгрес со Источноиндиската компанија и муслиманските организации Индиски муџахедини и Народен фронт на Индија кои се забранети заради наводни врски со тероризам, бидејќи го делеле името Индија.
Симпатизерите на владејачката БЏП оттогаш се приклучија во хорот.
„Ние сме Бартијас, Индија е име дадено од Британците и одамна требаше официјално да се врати нашето првобитно име „Барат““, објави Вирендра Сехваг, пензиониран играч на крикет и еден од најпопуларните спортисти во земјата, на X, порано познат како Твитер.
Дармендра Прадан, министер за образование во владата на Моди, рече дека употребата на зборот Бхарат во официјалните покани требало да се случи многу порано и ја поздрави како голема изјавата за „излегување од колонијалниот начин на размислување“.
„Барат е нашиот идентитет. Горди сме на тоа“, изјави тој за официјалната владина медиумска агенција АНИ.
Вештачка конструкција
Политичките експерти велат дека тајмингот на контроверзноста сугерира изборен мотив, но исто така укажува на поголема цел на хинду-десницата.
„Изборот на Барат наместо Индија во овој момент значи фрлање сомнеж за патриотските акредитации на опозицијата, да се прикажат како елита и исклучени од „вистинската“ Индија што БЏП тврди дека ја претставува“, истакна политикологот Жил Верние за ТРТ Ворлд.
„Но идејата за наметнување на Барат над Индија е исто така втемелена во подлабока визија што ја негуваат хинду националистите, кои се обидуваат да го поделат населението помеѓу „автентични“ и „сомнителни“ граѓани“, додаде тој.
Нарекувајќи ја дебатата „непотребна“, Верние понатаму рече дека поделбата меѓу Индија и Барат е „имагинарна политичка конструкција што не ги одразува реалните поделби меѓу луѓето“.
Хинду-десницата предводена од РСС долго време ја третираше земјата како мајка, Барат Мата, а термините како „Акханд Барат“ (обединета Индија што го покрива индискиот потконтинент) беа дел од нејзиниот лексикон. РСС и нејзините филијали го користат Барат во своите документи, изјави и јавни говори.
Сепак, постар автор Дирендра К Џа, вели дека РСС почнала да ја нарекува земјата како Барат дури по убиството на Махатма Ганди во 1948 година, кога се соочила со сериозни реакции. Дотогаш тие го претпочитаа зборот „Хинду-стан“ или земја на Хиндусите.
„Но по убиството на Ганди, тие почнаа да ја користат фразата Барат Варш бидејќи фразата Хинду Раштра (нација на Хиндусите) стана контроверзна“, рече Џа, автор на неколку книги за генезата на хинду-врховизмот.
„Нивната приврзаност кон зборот Барат е тактичка и не е природна“.
Опозициските партии исто така укажаа на лицемерието на владејачката влада одеднаш да го претпочита Барат пред Индија. Откако дојде на власт во 2014 година, владата на Моди започна неколку шеми именувани по Индија - Дигитална Индија, Старт ап Индија, Нова Индија и други. Претходно во 2004 година, кога БЏП беше на власт, започна кампања наречена „Сјајна Индија“ за да ги прикаже своите достигнувања.
Критичарите ги посочуваат сите противречности насочени околу најновиот маневар на БЏП, инсистирајќи на тоа дека зборот со четири букви Индија има „непроценлива вредност на брендот“ која се градела со векови.
