Во Долината на смртта во Калифорнија,САД во центарот за посетители „Фернас Крик“ беа измерени 50 степени Целзиусови во четвртокот, откако беше издадено предупредување за екстремна топлина за оваа американска држава.
Позната како едно од најжешките места на Земјата, Долината на смртта ја оправда својата репутација, а без оглед на високите температури, туристите не се откажуваа од посетата.
Според Гинисовата книга на рекорди, Долината на смртта го држи рекордот за највисока забележана температура.
Официјално највисоката забележана температура е 56,7 степени Целзиусови, измерена на 10 јули 1913 година на ранчот Гренланд во долината.
Долината на смртта е најголемиот национален парк во САД, покривајќи 3,4 милиони хектари пустина.
Името го доби благодарение на група трагачи по злато кои допатуваа во Калифорнија во 1849 година. Оваа долина случајно се нашла на нивниот пат.
Тие скршнале од патеката со надеж дека ќе најдат кратенка, но мораа да се спуштат по гола, целосно исушена долина без видлив излез. Двајца од групата нашле излез од долината и се вратиле по другите, а кога ја напуштале долината, еден од нив извикал: „Збогум долино на смртта“. Така се задржало ова име.
Освен во Долината на смртта, нови дневни температурни рекорди беа поставени
И во други делови на југозападниот дел на САД, па во Феникс, Аризона, температурата достигна 45 степени Целзиусови.
Градот го надминал последниот рекорд поставен во 2016 година, кога биле регистрирани 645 смртни случаи поврзани со топлина во поголемиот дел од округот Марикопа.
Првиот топлотен бран во југозападниот дел на САД во годината е резултат на топлинска купола, односно област со висок притисок во која е принуден и заробен топол воздух, што доведува до зголемување на температурата на големи површини.
Иако топлинските куполи порано беа ретки, тие стануваат се почести и поинтензивни поради климатските промени предизвикани од човечки активности, според научниците.
