Изненадувањето на денот на УС Опен го приреди Американката Џесика Пегула, 6-та на АТП-листата, која конечно по шест неуспеси во четвртфиналето на Грен слем турнирите успеа да се пласира во полуфиналето на Грен слем турнирот во Њујорк, совладувајќи го светскиот тениски рекет број Ига Свијатек од Полска, со 2:0 во сетови (6:2, 6:4).
„Конечно можам да кажам дека сум полуфиналист“, со олеснување изјави 30-годишната Пегула.
Свијатек (23), победник на УС Опен во 2022 година и четирикратен победник на Ролан Гарос, направи 41 неизнудени грешки, додека Пегула направи 22.
Пегула во четврток ќе се бори за пласман во финалето против Чехинката Каролина Мучова (ВТА-52), која претходно со 6:1, 6:4 ја исфрли Бразилката Беатрис Хадад Маије (21).
Мучова со тоа продолжи со одличните резултати на Грен слем турнирите. Покрај двете полуфиналиња на УС Опен, тука е и финалето на Ролан Гарос минатата година, како и полуфиналето на Австралија Опен во 2021 година.
Полуфиналето на Ролан Гарос на Бразилката Хадад од минатата година останува најдобар резултат во нејзината кариера на еден од четирите најголеми турнири.
Во второто полуфинале ќе играат Американката Ема Наваро и Белорусинката Арина Сабаљенко.
