Иконата на палестинскиот отпор, Ахед Тамими e приведена од страна на израелската армија во окупираниот град Наби Салех на Западниот Брег.
„23 годишната Ахед беше уапсена при рација во нашата куќа“, изјави мајката на Ахед, Нариман Тамими.
Таа рече дека израелските сили ја пребарале куќата и ги конфискувале сите мобилни телефони во семејството.
„Ахед Тамими е уапсена под сомнение за поттикнување насилство и терористички активности во градот Наби Салих“ во близина на Рамала, изјави портпаролот на армијата.
Тамими била приведена за дополнително сослушување.
Нејзиниот татко, Басем Тамими беше уапсен од израелските сили за време на рација во градот минатата недела.
Тамими- „Симболот на отпорот“ беше уапсена од страна на израелските сили во 2017 година, по виралното видео на кое се гледа како младата жена, тогаш 16-годишна, ги турка и удира израелските војници кои се обиделе да влезат во домот на нејзиното семејство.
Подоцна доби осум месеци затвор за „напад“ на израелски војник.
Оттогаш Тамими стана меѓународен симбол на отпорот против израелската окупација на Западниот Брег.
Според палестинското Министерство за здравство, по зголеменото насилство од 7 октомври повеќе од 150 Палестинци на окупираниот Западен Брег се убиени од израелски војници или од доселеници.
