Не постои конфликт на фундаментални интереси или геополитички конфликти меѓу Кина и Европската унија, што ги прави партнери кои можат да придонесат за заеднички напредок, изјави денеска кинескиот претседател Кси Џинпинг за време на телефонскиот разговор со претседателот на Eвропскиот совет, Антонио Коста.
„Кина и ЕУ немаат фундаментални конфликти на интереси или геополитички противречности, тие се партнери кои заедно постигнуваат успех“, додаде тој, пренесе Ксинхуа.
Истакнувајќи дека Кина останува посветена на висококвалитетен развој и отворање на високо ниво, Кси рече дека тоа ќе донесе нови можности за соработката меѓу Кина и ЕУ.
Тој истакна дека Кина и ЕУ треба да ја прошират отвореноста една кон друга, да ги зајакнат постоечките механизми за соработка и да создадат нови точки за раст.
Коста, пак, истакна дека ЕУ е подготвена да работи со Кина за решавање на економските и трговските разлики преку дијалог и консултации.
